कार्यालय परिचय
कार्यालय परिचय
नेपाल भित्रको सानो नेपाल भनेर चिनिने बागलुङ जिल्ला गण्डकी प्रदेशको सुन्दर पहाडी जिल्ला हो । तमानखोला, भूजिखोला र निसीखोलाको संगमस्थल बुर्तिवाङ बजारमा ईलाका प्रशासन कार्यालय अवस्थित छ । यस कार्यालयको स्थापना २०५४ साल चैत्र २६ गते भएको हो । बागलुङ जिल्लाका ढोरपाटन नगरपालिका, वडिगाड गाउँपालिका, तमानखोला गाउँपालिका र निसिखोला गाउँपालिका ३२ वडा कार्यालय रहेका छन् । यस कार्यालयको प्रशासनिक कार्य क्षेत्रमा कुल जनसंख्या ९२,००८ र परिवार संख्या २२,४६६ श्रोत (Dhorpatan Times) रहेको छ । स्थापनाकालमा बागलुङ जिल्लाको साविक २० गा.वि.स.हरु तमान,खुंखानी, बोङ्गादोभान, वोवाङ, अधिकारीचौर, निसि, बोहरागाउँ, देविस्थान, राजकुत, दर्लिङ, रिघा, पाण्डवखानी, सिसाखानी, दगातुन्डाँडा, जलजला, ग्वालीचौर, रणसिंहकिटेनी, भिमगिठे, बुर्तिवाङ र खुंगाको कार्यसम्पादन गरिएको थियो ।
नेपालको प्रसिद्ध ढोरपाटन सिकार आरक्ष र ढोरवाराही मन्दिर यस क्षेत्रमा पर्दछन् । हिन्दु, क्रिश्चियन, बोद्ध, मुस्लिम धर्मवाम्बीहरुको बसोबास रहेको यस क्षेत्रमा दलित, जनजाती,खसआर्य र अन्य जातिको बसोबास रहेको छ । कृषि, पशुपालन, फलफूल खेती प्रमुख पेशा भएको यस क्षेत्रमा कोदोको रोटी, फापरको ढिडो, च्याङ्ग्राको मासु र चिसोपानीको असलामाछा प्रसिद्ध खानेकुरा हुन ।
गुराँस फुल्ने सोलेडाँडा, ढोरपाटन, पाथिहाल्ना पहाडहरुका साथै राजकुत र थाम पिकनिक स्पटहरु रहेका छन् । स्थानीय सामाजिक साँस्कृतिक पर्वहरुमा लाग्ने मेलाहरुका साथै बुर्तिवाङमा कोजग्रात पूर्णिमा मेला र प्रत्येक वर्षको मंसिर महिनाको पहिलो हप्ता ग्वालिचौरमा न्वागीमेला लाग्ने यहाँका प्रसिद्ध मेला हुन् ।